Kulturstripa

Kven hadde trudd at «Gunda», ein dokumentar i svartkvitt, utan dialog og musikk, om ein norsk gris skulle bli ein stor hit? Allereie før den har hatt kinopremiere i Noreg har «Gunda» vore kortlista til Oscar og vunne bronsehesten for beste dokumentar på filmfestivalen i Stockholm, publikumsprisen på filmfestivalen i Hamburg og no sist i helga fekk den pris for beste foto på filmfestivalen i Dublin. Vi får besøk av fotograf Egil Håskjold Larsen og produsent Anita Rehoff Larsen. Superstjerna Little Steven kjent frå Bruce Springsteens E Street Band og tv-serien «Lillyhammer» fortel oss om sitt første møte med Beatles, kva det har betydd for han og kvifor han enda opp med å lage ei hyllestplate til bandet. Filmen «Nomadland», regissert av Chloé Zhao, er nominert til seks Oscar-prisar. Torkil og Mona snakkar om kvifor filmen om bilnomadar i USA er viktig å få med seg.