Veaigesátta

Otná sáddagis gulát Amerihkká válggaid birra ja Ovttastuvvan Nášuvnnaid Eamiálbmogiid Áššedovdimekanisma jodiheaddji Laila Susanne Vars muitala movt lea leamaš eamilábmogiid dilli dálá presideanta áigodagas. Gullat mii Sámi kulturmáilmmis dáhpáhuvvá dál, go neahta bokte lágiduvvo KulturSápmi doalut. Vuosttaš nissoniid Conifa máilmmimeašttirciekcamat plánejuvvo lágiduvvot boahtte geasset, gosa sámi nissonriikajoavku maid galgga searvat. Nussir fitnodaga ruvke Riehpovuonas sáhttá 2021 geasi radjái leat ollislaccat ruhtaduvvon. Diimmá olu muohta dagahii ahte boazodoalus fertejedje biebmat bohccuid, ja lea dagahan ahte dán cavcca eai njuova seamma olu bohccuid go dan maid eará jagiid leat bargan.