Veaigesátta

Don soaitat oaidnán Herman Flesvika komediija ráiddu nrk neahttasiiddus, mas lea namma førstegangstjenesten, dahje sámegillii vuosttašgearddebálvalus. Dán ráiddus neaktá Flesvik nissonolmmožiin, mas lea namma Tanja Laila Gaup, gii lea eret Sállánis. Mii leat hubmán suinna gii lea Laila Gaup ja orru Sállánis duodas. Dál lea ovttastuvvon našuvnnaid generálacoahkkima presideanta bovden New Yorkii, loahpahandihte riikkaidgaskasaš eamiálbmotgielaid jagi. Mielbargii Kjell Are Guttorm lea juovlahušas Romssa gávpogis. Eanetlohku Finnmárkku kommišuvnnas árvala ahte kárášjohkalaccat ieža galget beassat oamastit iežaset guovlluid. Gullat maid láhkaceahppi dasa dadjá. Altadiggegodde viesus meannuduvvo odne siviila-ášši mas njealljatlot jahkásaš boazosápmelaš lea áššáskuhttan biepmobearráigeahcu mearrádusa – das go stáda orgána lea gieldan su bargat bohccuiguin das duohko.