Naturens verden

Vi leitar etter vårens første insekt i Botanisk hage i Oslo. Sommarfuglar kan overvintre både som vaksne og som larver, nokre kjem flygande frå Afrika. Dei ulike biene og humlene treng ulike blomar og skjul for å kunne overleve og bringe slekta vidare. Bygg biehotell i hagen! Insektinteresserte kjem saman i Norsk entomologisk foreining, der også ungdommar lærer gjennom morsomme utflukter og kurs. Gauken er på veg frå Afrika for å legge egg i andres reir. Sjølv om han snyltar på andre er gauken nær truga og på raudlista. Vi skal også bli med barn og vaksne ut til eit lite vatn i Kristiansand der paddeparinga no skjer for fullt. Dagens art er Tromsøpalme.