Kulturstripa

I dag slapp Stein Torleif Bjella sitt nytt album, «Øvre-Ål Toneakademi». Kanskje er det stemma, kanskje er det dialekta, kanskje er det melodiane ... Bjella har uansett ei eiga evne til å løfte opp alt det nære, og få oss til å hugse det og kjenne kor viktig det er. Berre titlane på låtane, «Følsom person blues», «Fødd på eit fjell» og «Fiskesangen», er som ei herleg og etterlengta trygg hamn. Og vi er så heldige at han leiar oss trygt til denne hamna når han kjem og spelar live for oss i Kulturstripa i dag! Det er kanskje ikkje ein heilt ny idé å lage ein eigen dans til låta si, men Drake sin «Toosie Slide» er no både på topp på Billboard-lista, og på tiktok er det over 3 milliardar avspelingar av folk som danser til låta. Heile verda dansar no, og kanskje du også vil vere med Mona og danse til den i helga? Musikkpanelet med Mona, Sven Ole og Torkil gir deg rykande fersk musikk du kan danse som ein tulling til.