Buorre iđit, Sápmi

Mannán duorastaga álggii miellačájáhus Oslos oljo- ja energiijadepartemeanttas go dalle lei 500 beaivvi gollan go alimus riekti celkkii ahte bieggaturbiinnaid huksen Fovsenii Trøndeláhkii lei lobiheapmi ja rihkku álgoálbmotvuoigatvuođaid ja olmmošvuoigatvuođaid. Oassi ákšunistain válde háldosis depeartmeantta feaskara vuostáiváldimis. Dál leat ihku Oslo boles guoddán sin olggos. Miellačájeheamit joatkašuvvet olggobealde ja NSR nuorat ja luonddugáhttensearvvit leat dieđihan, ahte viiddidit demonstrašuvnna. Birasaktivista Greta Thunberg lea maid iđđes boahtán Osloi. Dán sáddagis gullat ija dáhpáhusain ja maiddái mii dál doppe dáhpáhuvvá. Dal lea Ruoŧa ráđđehus bidjan johttui guorahallama mii galgá buktit árvalusa makkár galgá boahtte áiggi Public Service mediafálaldat leahkit. Njuorggánlaš skuvlamánáid beaivi guhkku busseoktavuođa nuppástusa geažil – vánhen ii leat duđavaš mearrádussii