Buorre iđit, Sápmi

Girona gávppoga guovddáža leat sirdimin ruvkki geažil. Sámi duojár ii áiggo doaimmas gal sirdit ja báhcá boares guovddážii. Norgga Sámediggi ja Justiisa- ja gearggusvuođadepartemeanta ovttas lágideaba konfereanssa Álttás veahkaválddis ja veahkaválddálašvuođas sámi servodagas. Lea dehálaš diehtit mo sámi servodagas dustet ja áimmahuššat olbmuid geat leat vásihan veahkaválddi, dadjá sámediggeráđđi. Son leamaš Disney oahpahallin Hollywoodas. Otne gullat mo dát vásáhus lei. Nuortalaččaid siidačoahkkimis lea hállu oassálastitt nuortalašváinniid hávdádanprosessii ja lea deháláš ahte leat mielde máhcaheamin sámiváinniid dávttiid Oslo universiteahtas. Girkuid máilmmáiráđi čoahkkin lágiduvvo Duiskkas. Doppe lea mielde maiddái Sámi girkoráđđi.