Buorre iđit, Sápmi

Ellos Deatnu lihkadus ii leat áibbas jaskkodan - Deanu leagi bivdosajide leat ceggejuvvot banderollat ja bivdokultuvrras lea dahkkon filbma. Norggas gártet ain oassi boazodoalliin vuordit oažžumis boazodoallodoarjaga go ohcamušaid meannudeamit ja doarjagiid máksin lea maŋŋonan. Maiddái sii gártet vuordit geaid ohcamušat ja dokumenttat leat áiggil joavdan shtáhtahálddašeaddjái. Dat ii leat riekta, oaivvilda sámediggeráđđi maŋŋonan. Dárbbašuvvojit go etihkkálaš njuolggadusat mo galgá láhttet Riddu riđđu festiválas? Dat gažáldat maid badjánii maŋŋá mannan vahkuloahppa festivála. Ovddeš SAS-girdikapteaidna lea bargan 36-jagi SAS-girdifitnodagas. Su mielas dát SAS-pilohtaid bargoheaitta lei dehálaš.