Buorre iđit, Sápmi

Lappi guovlllu nuoraidbargit ledje čoahkkanan Anárii nu gohčoduvvon KLÄPPI 2025 -beivviid mannan vahkus. Beaivvi ulbmilin lei buktit oidnosii nuoraidbargu ja ságastallat dasa laktaseaddji áigeguovdilis áššiin. Dán jagi váldoteman lei lihkadeapmi ja mo oažžut nuoraid lihkadit eanet. Detnui gorgŋo dán gease eanet luosat go diibmá ja maid oalgejogain leat dihtton gođđuluosat stuorát mearit. Nu čájehit Luondduriggodatguovddáža varas logut. Detnui gorgŋo dán gease eanet luosat go diibmá ja maid oalgejogain leat dihtton gođđuluosat stuorát mearit. Nu čájehit Luondduriggodatguovddáža varas logut. Njuorggánlaš luossabivdi Aslak Holbmberg lea movtta, go dál dittit leat goargŋugoahtán Detnui diimmá olahus heajos jagi maŋŋá. Guolásteaddji ii goit duosta illudit, go eai jogas dálá dilis vel menddo valljis guolit leat.Bearjadaga eahkeda soabadalle NSR, Johttisámiid Listu ja Sámi Álbmotbellodat politihkalaš vuođu ja ovttasbarggu sámedikkeráđis ja sii jotke ságasdallamiid ikte sotnabeaivvi Silje karine Muotka dadjá ahte stivrenvuođđu lea gárvvis easkka guovtte váhku geahčen.. 2.174 olbmo jienastedje jienastanbáikkis sotnabeaivvi fas Ruoŧa sámediggeválggas. Dat lea 328 unnit go miessemánu válggas, muhto 39 eanet go 2021 válggas.Justte dál lágiduvvo Gardermoenis, Oslos poker norggameašttirgilvu, ja dohko leat olu sámit searvan.Golggotmánu 14. beaivvi rahpá Máret Ánne Sara historjjálaš sierračájáhusa Tate Modern museas, Turbine Hall:s, Londonis.Dan oktavuođas čuojahit Mari Boine, Ella Marie ja Niilas Londonis, dušše guovtti beaivvi maŋŋá.