Buorre iđit, Sápmi

Norgga stuorámus filbmabálkkašumit Amanda ja juhkkujuvvojedje bearjadaga 40. geardde Haugesunddas Mátta-Norggas. Sara Margrethe Oskala ráhkisvuođa filbma Eallogierdu lei nominerejuvvon golmma iešguđetge suorggis. Buoremus váldorolla Risten Anine Gaup, buoremus siidorolla Berit Anne Oskal Kemi ja buoremus bivttasteapmi Anne Margaretha Oskal. Dál lea gollan 75 jagi das, go Suoma stáhta asáidahttii nuortalaččaid suoma beallai, go nuortalaččaid dološ ássansajit báhce Sovjetlihttu beallai. Dan muite ávvudoaluin dál vahkuloahpas Čeavetjávrris, Njávdámis, Keväjávrris ja Njellimis.Staares leai ikte historjjálaš beaivi go vuosttas Ođđa testameanta oarjánsámegillii geigejuvvui bisppaide Eva Nordung-Byströmii ja Herborg Finnsetii.Ruoŧa ja Norgga biibbalsearvvit dat lea álggahan dan barggu ja máttasámi báhppa Bierna Leine Bientie dat lea ovttas giellačehpiiguin jorgalan biibala.Guhtta jagi maŋŋel go saddii ON olmmošvuoigatvuođakomitea iežas ášši, de lea Jovsset Ante Sara ožžon vástadusa. ONa cealkamušas boahtá ovdan ahte stáhta dagai boastut ja alimusrievtti duopmu maid lea boastut ja rihkku olmmošvuoigatvuođaid. Jovsset Ante Sarai lea sihke geahpadus go lea ožžon vástadusa, muhto maiddai lea báhčča dovdu