Buorre iđit, Sápmi

Ođđa Norgga mohtorjohtolatláhka evttohus áitá sámi árbevirolaš guollebivddu boahtteáiggi, nu dadjá Árjja-bellodaga Guovdageainnu suohkanstivrra- áirras Nils Ole Skum.Su mielas lea váidaláhtti go evttohusas eai váldde vuhtii báikki sápmelaččaid árbevirolaš bivdo- ja guolasteami. Guollebivdit eai beasá mohtorfievrruiguin vuoddjit doaresbeale jávrriide, de sáhttá čuovža maid hedjonit dadjá son.Anáris ordnejuvvo lávvardaga ráidovázzin, meahccemárssa, mainna háliidit čálmmustahttit mehcciid ja vuvddiid dili. Min doaimmaheaddji Xia Torikka lea gulahallan Anára meahccemárssa lágideaddji Sunna Nousuniemiin ja son muitala jurdda dása bođii su ustibis.Ijahis Idja Festivála álgá bearjadaga mánáid- ja nuoraidbeivviin. Prošeaktabargi Anni-Sofia Niittyvuopio muitala, ahte báikki ala leat boahtimin goit 280 skuvllalačča.Ijahis ijas leamašan taleantalávdi jo moadde jagi, ja dat lea erenomáš báiki ođđa artisttaide čájehit čehppodagaset. Festivála veahkkebuvttadeaddji Aleksi Ahlakorpi dadjá, ahte ovttainge bihtáin beassá taleantalávdái loaiddastit.Ijahis idja -festiválas besset maid ođđa artisttat lávket lávddi ala. Dán jagi áigu maid Ántte Issát Länsman Njuorggámis fitnat ovdanbuktimin Taleantalávddis lávvardaga. Son lea Taleantalávddi nuoramus loaiddasteaddji.Otne bearjadaga ja ihttin lávvordaga lágida guovdageaidnnu motor searvi čáhce vanndraga ja watercross.oanehaččat de Vanndragas vudjet njuolga ovddas, ja watercrossas galget maiddái vuodjit mohkiid birra. Dal galgat erenomaš gilvohallamii Sáme SM:a oktavuođas Dearnas mannan vahkkoloahppa.Stuorra gielddain main leat unnán ássit, lea stuorra ovddasvástádus areálahálddašeamis, vuoigatvuođagažaldagain ja luonddugáhttemis. Sin dilli lea dakkár ahte sii bivdojuvvojit hálddašit luonddu stuorra searvevuođa ovddas, muhto ollu boaittobealsuohkaniin barget juohke beaivvi láhčimiin vai eastadit olmmošlogu njiedjama ja sihkkarastet suohkaniid dietnasiid. Dát mearkkaša dávjá ahte huksejeaddjit ja ovddideaddjit bahkkejit eatnamiidda.Nie lei čállon dán debáhta birra, "Arealer under press", sámegillii šattašii Areálaide bahkken. Dasa searvvai earret eará sámediggeráđđi Mikkel Eskil ja son dadjá dan buori ságastallamin: