Buorre iđit, Sápmi

Finnmárkui Poršáŋggu gildii soaitá huksejuvvot bieggafápmorusttet. Dát lea okta dain 11 biefápmo prošeavttai Finnmárkkus. Ja dát plánejuvvon bieggafápmoguovlu lea Skuohtanjárgga orohaga eatnamiin. Ja jos fal Norgga energiija ja čázádatdirektoráhta dohkkeheš plánaid de soitet bieggaturbiinnat ceagganit Sieideduottarguvlui.Skuohtanjárgga orohaga ovdaolmmoš Johan Issát Eira dadjá ahte jos plánat ollášuvvet de soitet as stuorra váikkuhusat ja muhtumat sáhtet heaitit šaddat boazodoaluin bargamis:Arendalvahkus lei Norgga olmmošvuoigatvuođaásahus direktevra, Adele Mathesen Mestad mielde ságastallamis bieggafámus ja mo dat čuohcá boazodollui.Son sávvá ahte eiseválddit váldet oahpu Fovse-áššis vai Norga ii gartta dakkár dillái mas leat rihkkon olmmošvuoigatvuođaid, jus huksejit bieggafápmorusttega boastu láhkai:Sámiráđđi ii oaččo boahtte jagi stáhtadoarjaga Suoma olgoriikkaministeriijas. Jagi 2025 bušeahttaárvalusa mielde olgoriikkaministeriija čuohpasta hálddahussuorggi stáhtaruhtadoarjagiid álbmotorganisašuvnnaide oalát eret.Dán jahkái olgoriikkaministeriija juolludii stáhtaruhtadoarjagiid álbmotorganisašuvnnaide oktiibuot 1 063 000 euro, muhto boahtte jagi bušeahtas doarjja sihkastuvvo oalát eret. Olgoriikkaministeriija gártá seastit oktiibuot 116 miljovnna euro.Dát čuohcá garrasit Sámiráđđái, go dainna ruđain leat bastán bargat árktalaš- ja birasáššiiguin Árktalaš ráđis.Ruošša eisseválddit leat bidjan 54 álgoálbmotorganisašuvnna ja USA vuođđudusa "Free Russia Foundation" riikka "ekstremista" organisašuvnnaid listui, čállá The Moscow Times.Sápmelaččat leat maid dáid organišuvnnaid lahtun. Miellahtut geain leat čanastusat organisašuvnnaide, leat automáhtalaččat ekstremisttat ja sáhttet ráŋggáštuvvot ja biddjot guđa jahkái giddagassii.Dál leat badjel 120 organisašuvnna vuolláičállán cealkámuša Ruošša álgoálbmogiid dilis Ovttastuvvan nášuvnnaide. Ii oktage sámi organisašuvdna leat čállán vuollái dán cealkámuša. Čállá SVT Sápmi.Dán cealkámuša lea Álgoálbmogiid Internationála komitea (ICIPR) ráhkadan. Dat sáddejuvvo Ovttastuvvan Našuvnnaide ja das lea Ruošša álgoálbmogiid dilli loktejuvvon. Ruošša lea gieskat almmuhan ahte stuorra oassi álgoálbmotorganisašuvnnain leat ekstremistajoavkkut, ja okta dain lea ICIPR.Oktage sámeorganisašuvnna ii leat čállán vuollái dán listu.Reporttar Lemet Ailu riŋgestii árabuš odne eallilan badjealbmái, Mikkel Kemii, gullan dihtii sus mo geasi báhkat lea váikkuhan boazodillái:Son muitalii earret eará ahte ii goassege ovdal leat vasihan dákkár báhkaid ja goikkadagaid, ja dat njulgestaga dagaha heahtedili boazodillái