Buorre iđit, Sápmi

Nuortarittus Afrihkas Tanzanias ássá masai álbmot ja sin leat Tansania eiseválddit áitán bákkuin fárrehit eret Loliondo guovllus jo mángalot jagi 1996 rájes. Amnesty international raporta "Business as usual in bloody land", mii allmuhuvvui mannan vahku gaskavahku čájeha ahte bággofárreheamit leat dáhpáhuvvan 2009s, 2013s, 2017s ja 2022s ja leatgeavahan veahkaválddi Bággofárrehemiid ággan leat geavahan luonddusuodjalanlága, muhto duohta sivva lea ahte láigohit eanamiid priváhta fitnodagaige vai besset fállat turistaide bivdoguovluin. Amnesty Norgga eamiálbmogiid politihkalaš ráđđeaddi Aili Keskitalo dajai mannan bearjadaga ahte ahte dát rihkku Masai álbmoga olmmošvuoigatvuođaid:Suoma Ruhtaministeriija lea bearjadaga almmustahttán stáhta bušeahttaárvalusa jahkái 2025. Bušeahttaárvalusa mielde Sámedikki ruhtadeamis čuhppojuvvo boahtte jagi garra gieđain stáhtaekonomiija váttis dili dihte. Árvalusa mielde Sámediggi lea massimin kulturiešmearrideapmái oaivvilduvvon ruhtadeamis 568 000 euro.Suoma Sámedikki ságadoalli Pirita Näkkäläjärvi lea sakka behtton bušeahttaárvalussii, go čuohppamat čuhcet garrasit Sámedikki doaimmaide.Otne Yle geasseguossin lea Niillas Ovllá Ándarasa Elle Anneli Iris, Iris Poikkijärvi. Son lea jagis oahppan sámegiela, go váccii davvisámegiela linnjá Sámi oahpahusguovddážis. Poikkijärvi lea bajásšaddan Avvilis, iige son leat mánnán oahppan sámegiela. Dál gullat bihttáža dán geasseguossis mii gullo veaigin Yle Sámi rádiokanálas.Dál lea njunuš politihkkarat organisašuvnna ovddasteaddjit ja servodatberošteaddjit čoahkkanan Arendalii dan nu gohčoduvvon Arendalsvahkkui. Dát álggá otne ja 16 beaivve vel maŋimuš ságastallamat ja debáhtat. Ja juohke beaivái lea olu mii dáhpáhuvvá iđđedis eahkedii. Arendalvahku lea demokráhtalaš deaivvadanbáiki oaivvilduvvon buohkaide geat dán servodagas leat gos mii eallit. Sullii 1900 sierra dáhpáhusa ja 200 ossodaga leat Arendala guovddážis dán vahkus.Dan vahkuloahppa lágiduvvui Sámi meašttirgilvvut Dearnas ja ollosat ledje boahtán gilvvuhallat máŋga suorgin. Muhto okta dain stuorimus gilvvu lea njorostallan. Ja lei veahá dramatihkka nisson finálas,: Elle Máijá Klefstad Bær lea Sámi gitarista ja artista. Don soaittát leat oaidnán su Rolffa konsearttas, dahje Stjernekámppas. Dál sáhtát oaidnit su solo-konsearttain gos čuojaha iežas musihkka. Otne almmuha Elle Máijá vuosttaš šuoŋa, Áibbašeapmi.