Gáfestallan Lisain

Dán diibmosaš podkásttas gulat journalistta ja tv-buvttadeaddji Lisa M Kristensena hupmame áigeguovdilis olbmuiguin eallima manuid birra. Podkásta báddejuvvo iditbeivviid podkásttaeamida gievkkanbeavdeguoras. Ja diehttalas, gáfegievdni ja mikrofuvnnat guovdu beavddi. Buvttadeaddji lea Lisa M Kristensen ja NRK Sápmi ja GLR stivreba jiena.. Rávná Nystad lea prošeaktajodiheaddji ja Ole Rune Hætta lea redaktevra.

Nils Rune Utsi

10.05.2018 59 min

Nils Rune ”Slincraze” Utsis ii leat goassige leamašan dábálaš bargu. Son lea ráppen dan rájes go lei 14-jahkásaš. Dál son lea 27 jagi boaris ja lohká agi dovdot alddis. Son gáfestalai Lisain maŋŋá beassážiid ja humadeigga movt musihkain sáhttá oažžut olbmuid hupmat, movt servvodahkii váikkuhit, #metoo ja rávásnuvvama birra.