Veaigesátta

Dál lea maŋemus vahkku meahcceduopmostuolu dikkis mas meannnudit gii oamasta Kárášjoga eatnamiid. Boazodoallit leat gáibádusaid fárus buot dan golmma bealis, Guttorm joavkkus, Kárášjoga gielddas ja Finnmárkkuopmodagas. Dien birra šaddá olu sáhka. Ellos Eatnu filmma vuosttas čájáhusat kinos álget guovvamánu goalmmát beaivve. Ollugat leat filmma juo oaidnán go leat leamašan ovdačájáhusat Mázes, Leavnnjas ja TIFFas earret eará. Dát filbma dahká áigeguovdilin earret eará Duohtavuođa- ja soabahankommišuvnna barggu, mii galgá raporttas geiget stuorradiggái geassit maŋŋá go leat badjel golbma jagi čoaggán muitalusaid olbmuin. Suoma dálá ráđđehusa ráđđehusprogrammii lea čállon ahte ovddidit sámediggelága ođasmahttin árvalusa riikabeivviide. Muhto gerget go riikabeaivvvit dan meannudit. Dan gullabehket maid dán sáddagis. Dál lágiduvvo vuosttaš geardde riikkaidgaskasaš konferánsa Sámi dutkandieđuid halddseami hárrái. Guovddáš áššin lea identifiseret ja ságastallat gažaldagaid mat čuožžilit sámi dieđuid stivrema oktavuođas. Olu Romssa ja Finnmárkku fitnodaga leat ožžon dieđu máksit ruovttoluotta jagi 2018 ja 2019 bargoaddidivada, nu go olles Norggas fertejit bargat, ja dat čuohcá fitnodagaide ekonomalaččat