Veaigesátta

Soabameahttunvuohta Socialdemokráhtaid ja sámi opposišuvnnabellodaga Sámiid Buorria gaskkas gieldda sámi vuorrásiid divššus dan birra maŋŋeleahppos sáddagis. Norgga EU-delegašuvdna ohcá hárjehalliid boahtte ođđajagimánnui. EU-delegašuvnna bargi ávžžuha maiddái sámi nuoraid ohcat hárjehallin. Dutki dárbbaš veahki Kárášjoga ealgabivdiin go lea dutkamin makkár ealganálli doppe lea. FA Sápmi lea bovden nuorra spábbačikčiid Johkamohkái vai besset rátkit čiekčiid Árktalaš dálveriemuide Kanadai. Muhto ii šadda dušše spábbačiekčan, muhto maiddái oahppásnuhttit sámi kultuvrii ja historjá, muitala hárjeheaddji. Felgen Orkester massii Kárášjoga ovddeš gieldaviesu buollimis instrumenttaid ja elektronihka. Dál leage sin ovddas álggahan ruhtačoaggima go dát čuojanasat eai lean dáhkkiduvvon. Go Romssa valáštallansearvi čiekčá Bodø-Glimt joavkku vuostá Romssa ruovttušilljus Alfheimas sotnabeaivve de lea joavkku kapteainnas kapteaidnabáddi mas lea sámi logo.