Veaigesátta

Otná veaigesáddagis gulat dáid áššiid: Sámedikki áirrasjuhkui lea gal čielggas vaikko okta dain čieža válgabires eai leat vel jienat lohkkojuvvon, nu dadjá sámedikki seniorráđđeaddi. Duorastága čoahkkanit Bargiidebellodaga, Guovddášbellodaga ja Sosialisttálaš gurotbellodaga njuonnošat geahčalit soabadit vuođđudit ođđa ráđđehusa. Ja jos sii nagodit soabadit, de lea Norggas ođđa ráđđehus golggotmánu álggus, ja NRK Sámi politihkalaš doaimmaheaddji čilge movt šaddá ođđa ráđđehus. Ráđđehusmolsun sáhttá leat buorre Norgga ja Ruošša oktavuhtii, nu oaivvildit máŋggas Mátta-Várjjat gielddas maŋŋel stuoradiggeválggaid. Ikte ledje válggat Cánadas ja álgoálbmot áššit eai lean nu oidnosis. Unjárgga nieida lea beassan junior-čuoigiid deaivvadeapmái, mii dán vahkus lea Lulli-Norggas Geilos ja doppe deaivvadit Norgga buoremus čuoigit.