Veaigesátta

Otná veaigesáddagis šaddá olu sáhka válggaid birra. Válggaid boađus čájeha Norgga Sámiid riikkasearvi lea ain dat Sámedikki stuorámus bellodat go oažžu 17 áirasa dan 39 áirasis. Muhto válggaid vuoiti gal lea Nordkalottfolket, mii stuorru 3 áirasis 8 áirasii ja lea dalle Sámedikki nubbin stuorámus bellodat. Sámediggeválggaid válgaboađus gárvána dán vahku mielde, duođašta sámedikki ossodatdirektevra. Nordkalottfolket bellodat šattai maŋŋel válggaid dál Sámedikki nubbin stuorámus bellodat. Bellodaga presideanttaevttohas, Toril Bakken Kåven, dajai ovdal válggaid ahte ledje unnán, dahje ii oktage lunddolaš ovttasbargoguoimmit Sámedikkis. Kåven dadjá ahte sii fertejit dál vuos álggos oaidnit ahte sii šaddet nubbin stuorámus bellodat, muhto dat ii rievdat nu olu. NSR presideanttaevttohas Silje Karine Muotka lei hui ilus go su bellodat, Norgga Sámiid Riikasearvi oaččui badjel 30 proseantta jienain. Ja gullat maid geat leati Sámediggeválggaid vuoitit ja vuoittáhallit. Ruksesruoná bellodagat stuorra vuoitit Stuorradiggeválggain ja heaiti stáhtaministtar Erna Solberg sávvá Bargiidbellodaga Jonas Gahr Størii lihkku stáhtaministtarin. Paientfokus listtu lea Stuoradikkiválggaid vuoiti finnmárkku válgabiires, eanemus doarjjá lea Álttás, 41,6 % ja Guovdageainnus 29,8%. Ja gullat maid Pasientfokus listtu nuppi kandidáhtta dadjá válgga birra.