Veaigesátta

Otná veaigesáddagis gulat dáid áššiid: Dán váhkku lei Ruoŧa sámedikki rahpandievasčoahkkin ja doppe earret eará molsašuvái váldi, ja mii gullát ge ságaid dan birra. Guoládaga sámit vásihedje 40 jagi áigodagas gitta 1970 vuođđalohkui bággofárremiid smávva gilážiin gávpogiidda dahje gávpotlágán báikkiide. Gieskat gallededje Goardegsiit ovddeš ássit báikki gos sin ovddeš siida lei. Gielda rokkahii ođđa čáhcebohccái saji ja billistii máŋgga duhát jagi boares ássansajiid. Dan ovddas šaddá gielda máksit 1,2 miljon kruvnna sáhku. Ikte čájehuvvui TIFF-junior filbmadoaluin Eanni Muu olle ruoktot filbma man sámegiel veršuvnna lea bagadallan Sara Margrethe Oskal, ja mun humain suinna filmma birra. Bajásgeassinčuvgehus ásahusa foanda ávvuda Norggas 200 jagi. Dan ávvudit 18 girkogárdinis miehtá Norgga dán sotneabeaivve. Maiddái Kárášjoga girkogárdin mearkkaša dán ávvujagi. Dál lea čielgan das gii lea dán mánu urbi NRK sámis, ja mii gullat ge gii son lea. Ja otne gullogoahtá fas ođaspodda rádios, ja otne lea sáhka das ahte lea go riekta gáibidit sámegiella giellamáhtu sámediggepresideantas, go badjelaš bealli sápmelaččain eai máhte hupmat sámegiela dáruiduhttima geažil.