Veaigesátta

Otná sáddagis gulat ahte Njeallje nuorra dáiddara ožžo oktiibuot 100.000 ruvdnosaš kulturstipeandda. Dan atti Ishavskraft, ja okta sis lei sámi bárdni. Gullát maid mearkkaša oažžut stipeandda. Má?ga cuodi ássi Davvenjárgga gielddas, Finnmárkkus, oassálaste disdat eahkeda spáiddarráiddus mii lágiduvvui Honnesvágis. Ruota Ráddehus álggaha ráddádallamiid odda boazodoallolága birra – boazobargi imaštallá ráddehusa vuolggasaji ráddádallamiidda. Mannan válggaid ektui de lea vuordimis ahte boahtte jagi válgagiccus, boahtá sosiála median dáhpáhuvvat eambbo digáštallan, celket eiseváldit. Ja justte dan geažil ballet ge ahte vašuheaddji cealkagat ja áitagat lassánit. Sámedikkit eai leat gergosat dohkkehit oktasaš válganjuolggadusaid mat gusket jienastuslohkui beassamii.