Veaigesátta

Okta máilmmi deháleamos filbmafestiválain Sundance filbmainstituhtta lea válljen sámi filbmabuvttadeaddji guoktá Marja ja Ingir Bål Nango screenwriters lab bargobádjejovkui, ja mii ságastallat sunnuin dan birra. Boanddat ságastedje otne ráđđehusain heahtedili birra maid alla el-rávdnjehattit leat dagahan. Sámis ja muđuid davviriikkain eai oro dán ge jagi šaddamen makkárge stuorát doalut sámi nášunalbeaivvi, ja mii gullat movt earret eará Tråantes ja Oslos šaddet doalut. Odne álgá Tromssa Internationála Filbmafestivála (TIFF) ja dat bistá gitta sotnabeaivái. Dán vahkus čájehuvvojit oktiibuot oktanuppelohkái sámi filmma ja golbma dáin leat vuosttaščájálmasat. Sámi Internationála Filbmainstituhta direktevra, lea duhtavaš. Mannan bearjadaga bođii diehtu ahte johkamohkki 417 dálvemárkanát maŧ livčče galgan láigduvvut 3 váhkku geahččen, eai lágiduvvo fysaláččat ja Johkkamohkki gielda lágidá márkana digitala hámis, dego diibmá, ja mii gullát ge manne eai lágit márkaniid.