Stanghelle på fredag

Kva skjer i norsk partipolitikk frametter? I denne utgåva av "Stanghelle på fredag" kan du møte valforskar Bernt Aardal i samtale med Dagbladets politiske kommentator Martine Aurdal; korleis er stoda fem månader føre kommune- og fylkestingsvalet? På langfredag er det naudsynt å tale om påska og soga slik vi kjenner henne frå Bibelen, og ikkje minst om lidinga sjølve langfredagen skal minne oss om. Men påska er også ei tid merka av folketradisjonar og sedvane knytt til fritid og fjellferie. Nelson Mandela er framleis eit førebilete for mange menneske over heile verda. I år er det tjuefem år sidan han vart valt til Sør-Afrikas fyrste svarte president. Tomm Kristiansen kjem til Stanghelle for å dele minne og soger om den karismatiske leiaren.