Naturens verden

Firmaet Svalbard husky er populær blant turistane, og dei nær 100 alaska huskyane i kennelen har alle personlegdomar frå bølle til skulelys. Dei held til i den arktiske ørkenen i Adventdalen, og i fjellet over er den siste norske kolgruva i drift. Robert og Sissel fortel om fleire møte med isbjørn, dei måtte blant anna springe MOT ein isbjørn for å komme i tryggleik, berre timar før sitt eige bryllaup – og det midt på sommaren! I Julsundet på Romsdalskysten fjernar ungane søppel i fjæra og det er dei knøttsmå plastpartiklane som er farlegast. Dagens art er den fargesprakande isfuglen.