Kulturstripa

Komponist og musikar Einar Selvik har gjort stor suksess som hjerna bak bandet Wardruna i snart 20 år. Han har toppa Billboardlistene for verdsmusikk i både USA og Canada, blitt brukt i tv-serien Vikings, og i år var han med på opningskonserten til Festspillene i Bergen. No skal Einar Selvik lage musikk til eit av verdas mestseljande spel, «Assassin’s Creed». I sin nyaste låt «Joey Poiriez» hyllar Jonas Alaska eit av skate-førebileta sine. Vi får høyre historien om både den litt ukjende amerikanske skateren og korleis låten vart til. Vi fekk eit tips frå ein lyttar om ein tv-serie basert på ein dokumentar basert på eit kunstprosjekt frå 2008. Forvirrande? Følg med på sendinga, for tv-serien «Dispatches from Elsewhere» er ein tv-serie som kanskje får deg til å sjå både folka du ser kvar dag og plassen du bu på ein litt annan måte.