Kulturstripa

Skodespelar Ine Marie Wilmann er ein meister i å overtyde, anten det er som den glamorøse kunstløparen Sonja Henie i "Sonja", den meir kjenslemessig avstumpa Celine i "Exit" eller den lidenskapleg teaterelskande Viola de Lesseps i "Forelska i Shakespeare". Filmen "The Irishman" men Robert De Niro og Al Pacino er ifølgje Torkil ein draumefilm sett saman av dine favorittingrediansar. Er du av typen som berre må danse når du høyrer ein viss type musikk? Paul Arvid Jørgensen har møtt ein forskar som ser på om vi menneske er fødd med dansefot, og om ein type musikk fører til meir rørsle enn en annan. Mona fortel om sitt gledelege gjensyn med ein av sine favorittforfattarar Elizabeth Strout, og ein av dei beste kvinnelege karakterane Mona veit om, Olive Kitteridge.