Kulturstripa

Det verkar som musikar Thea Hjelmeland har slått opp med det melankolske og bydd opp til dans, for på nettet florerer det med bilete og videoar av ho som dansar jenka og polonese med publikummet sitt. Kva er greia? Dokumentarfotograf Helge Skodvin tek bileta som får oss til å både trekkje på smilebanda samtidig som vi kanskje lærer ein del om oss sjølve. Korleis finn han alle desse absurde motiva som vi ikkje ser, sjølv om dei er rett foran nasen vår. Phoebe Waller-Bridge står bak manuset til den fantastiske serien Killing Eve og vart henta inn til å vere med og skrive manus til James Bond-filmen "No Time to Die". I dag har Torkil tatt eit sjåartips om ein annan serie Waller-Bridge både har laga, og spelar i sjølv: Fleabag.