Friluftsmagasinet

Norsk elgsenter har opna på Evenstad i Hedmark! Vi følgjer rundløypa langs Glomma og lærer meir om naturen i elgens rike. Vi får sjå korleis fangstgroper blei brukte tidlegare, og lærer om både skogen og beveren som lever der. Bjørnen er ein annan av elgens naboar, og forsking på bjørnens dvale er svært interessant for fransk romfart. Til slutt kjem vi fram til innhegninga med to elgkyr som nysgjerrig kjem oss i møte. Ein ulv har streifa forbi, sangfuglar og skogsfuglar kan høyrast i skogen, og snart kjem kanskje ein elgokse også.