Distriktsprogram - Sogn og Fjordane

Riktig god tysdag! Tenk deg at du i dag tidleg vakna opp til meldinga om at ein familiefar i Høyanger var smitta av ebola. Og at denne familiefaren hadde vore på ei stor handballturnering i helga, og dermed kan ha smitta alle som deltok. Ja, dette er heldigvis ikkje sant. Men det var scenarioet til fleire kommunar og kriseteam i dag då dei var samla på Skei for å nettopp øve på slike hendingar. Vi fekk vere med og høyre kva planar dei la. Og i dag skal du få høyre at fleire kulturskular i Sogn og Fjordane no skal bli meir synlege og få ta del i eit treårig prosjekt for å nå ut til fleire. I tillegg kjem det to karar inn i radioen din som opplever suksess med teater. Terje Lyngstad og Kyrre Eikås Ottesen fortel om suksesshausten til teateret. Vi følgjer også nyhendebilete der forsvinningssaka i Sogn er ei av sakene vi ser på i dag. Velkommen til ettermiddagen her på NRK Sogn og Fjordane!