Distriktsprogram - Sogn og Fjordane

God ettermiddag Sogn og Fjordane! I to dagar har Gaular, Førde, Naustdal og Jølster site i møte om den nye storkommunen - kva dei har komme fram til, får du høyre i sendinga. I morgon kjem Dronning Sonja på besøk til UWC i Fjaler, vi sjekkar om dei er klare for kongeleg visitt. Ferja Ampere har fått mykje kjeft, men tal syner at ferja har drivstoffkostnadar som berre er ein firedel av ei dieselferje. I Sogn og Fjordane tingrett er dei snart ferdige med dag fire i rettssaka etter brannen på Selje hotell, og på Stad satsar dei hardt på ei maskin som skal stogge attgroing. I studio står Tone-Merete Lillesvangstu. Har du tips til oss, eller vil du sende ei platehelsing? Send SMS til 1987 med kodeord sf, eller ring 57 72 42 42.