Distriktsprogram - Sogn og Fjordane

God ettermiddag folkens! I dag vart det klart at det endeleg er slutt på streiken og dermed opnar skulane dørene att etter over to veker med stengde dører - men er dei klare til det? Gro Ravnestad har teke pulsen på Førde ungdomsskule i føremiddag der lærarane var på plass i gangane att. Korleis ser fylket vårt ut om 25 år? Det spørsmålet stiller NHO i dag på konferanse i Florø - og kollega Sindre Sunde Tveit er på plass for å høyre svara på dette store spørsmålet. Og vi skal få høyre Bernt Sverre Mehammer frå analyseselskapet Cowi som innleia seminar i Florø med temaet "Effektive bu- og arbeidsområder". Han seier sentraliseringa i samfunnet vil bli endå sterkare enn tidlegare. Nynorsk mediesenter feirar ti årsjubileum i dag med grovskiver og kransekake og vi lurer på om det vert ti år til. Musikk vert det også - vi har blant anna besøk av ein kar som allereie i ein alder av 12 er ei stor stjerne. Aksel Hauge Vedvi k frå Bremanger.