Distriktsprogram - Sogn og Fjordane

Heisannsveisann og velkommen til tre timar lokalradio! I dag skal vi høyre kven som kjøpte den veglause Finnabotn - endeleg solgt etter å ha lege ute til sals lenge. Jølster rafting fryktar kroken på døra om kraftverka vinn fram i konsesjonsøkandane sine - då blir det nemleg for lite vatn i elva til å kunne rafte i Jølstra. Urnes stavkyrkje sette ny besøksrekord i fjor, med 20 000 besøkande. For 5 år sidan kyrkja rett og slett på veg nordover, og heile grunnmuren måtte rettast opp. Så korleis står det eigentleg til med denne eldgamle turistatraksjonen? Å kunne reise i den gamle hovudfartsåren langs kysten vår til Nidaros som ein moderne pilgrim er no snart ein realitet. Riksantikvaren har saman med fem fylkeskommunar, kyrkja og mange frivillege gått i gang med å gjere turen attraktiv og moderne for pilgrimar. Og - Sjølv den lengste reisa startar med eit skritt skriv prosjektleiaren for det heile Annette Christiansen. I går sa fylkesdirektør Svein Arne Skuggen Hoff at det er eit stort problem at byar og tettstader i fylket er for dårlege på å utvikle attraktive senter. At ein jobbar for mykje med enkeltprosjekt og på generelle visjonar I dag får han svar: - Skuggen Hoff ser ned på oss frå fylkeskommunen og serverer oss ein dom basert på sine erfaringar og kompetanse. Eg forstår ikkje kritikken han kjem med. Det seier kommunalsjef i Førde kommune Trond Ueland i dag. Glimakurs, trommekurs og dramatisk historieforteljing er berre noko av det som skjer på vikingmarknaden i Guvangen akkurat no.