Distriktsprogram - Sogn og Fjordane

God ettermiddag! I dag ryddar vi heile Sogn og Fjordane! Hundrevis har meldt seg på til dugnad for å gjere fylket reint for både plast og bos. I løpet av sendinga skal vi vere med på rydding både i Hoddevika på Stad, i Florø, i Aurland og i Solund. Kristine I. Ullaland frå Naustdal har valt å redusere søppelet sitt til eit absolutt minimum. På halvanna år har ho plass til alt søppelet sitt i eit syltetøyglas. Ho gir deg gode tips i sendinga. Forskar Karen Richardsen Moberg ved Vestlandsforsking har forska på kva som skal til for at hushaldningar kan redusere klimautsleppa sine. Men kor villige er vi til å gi slepp på luksus sjølv om det er det som må til for at kloden vår skal ha det betre? I studio står Tone-Merete Lillesvangstu.Har du tips til oss, eller vil du sende ei platehelsing? Eller kanskje har du rett og slett berre lyst til å ønskje deg ei god låt? Send SMS til 1987 med kodeord sf, eller ring 57 72 42 42.