Distriktsprogram - Sogn og Fjordane

God fredag folkens! I løpet av natta har det vore innbrot i to butikkar og politiet etterlyser i morgontimane ein bil av merket BMW. Politiet har henta inn ekspertar på taktisk og teknisk etterforsking i saka der 22 år gamle Veronica Heggheim Stegegjerdet har vore sakna frå heimen sin i Sogndal sidan 25. oktober. Regionlensmann i Indre Sogn, Asle Karoliussen, stadfestar at dei har hatt mange personar inne til avhøyr for å prøve å finne nye spor etter den sakna kvinna. Høgrepolitikar Bjørn Hollevik frå Florø meiner ein kan legge ned flyplassar for å skaffe pengar til dømes til Kystvegen Florø-Måløy. Avinor vurderer å tilrå nedlegging av ein eller to flyplassar i fylket, og no kan semja om flyplassstruktur her i fylket ryke. Førde-ordførar Olve Grotle frå Høgre seier han er lei av at kystvegforkjemparane stadig vil legge ned andre sine samferdsletilbod for å finansiere sitt eige hjartebarn. Og sidan det er fredag kjem fredagspanelet og skal diskutere saker som har prega nyhendebiletet denne veka.