Distriktsprogram - Sogn og Fjordane

God torsdagsmorgon godtfolk! Hugsar du bileta av haugar med klede og sko etter brannen i Lærdal i vinter? Det kom så mykje klede inn at dei som tok initiativ til å samle inn utstyr til dei som var råka av brannen på eit tidspunkt måtte seie at nok var nok. Det er framleis haugar med klede og sko i Lærdal, som ikkje vert brukt. Men no skal dei få nytt liv, ein heilt annan stad i verda. Og har du ein evntyrar i magen? Då må du høyre på lokalradioen din like over åtte. Torgeir Higraff frå Nordalsfjorden skal ut på nytt segleeventyr, og han vil ha deg med! Er du ein av dei som likar å kose deg litt ekstra når haustmørkret kjem? finne fram litt digg frå kjøleskapet til tv-serien du ser på? Men det treng ikkje gå i sjokolade med sukker eller pizza med usunne saker på. Bloggar og personleg trenar Linda Stuhaug meiner det er såre enkelt å lage god kosemat, om ein berre veit kva ein driv med. Kanskje du får tips med deg på vegen som du kan teste ut? Velkommen til morgonsendinga!