Distriktsprogram - Sogn og Fjordane

Hei på deg som er oppe tidleg! Og velkommen til morgonsendinga vår! I dag er dagen mange har hatt store forventningar til. For i dag skal regjeringa drysse pengar over det ganske land, nokre blir glade andre blir mindre glade. Det handlar sjølvsagt om statsbudsjettet som vert lagt fram klokka ti i dag. NRK dekker dette gjennom heile morgonen og dagen og vi lovar fyldig informasjon så snart vi veit noko om kven som vert vinnarar og taparar i budsjettet. Jenny Følling og Ingebjørg Erikstad kjem til oss i sendinga, og vi tek turen ut til Nynorsk avissenter og Firda. Der er det stor spenning i dag knytt til budsjettet. For avissenteret er det eit vere eller ikkje vere om dei får pengar. Du kan tipse oss om saker gjennom heile morgonsendinga og dagen ved å ringe 57724242 eller sende ei melding med kodeord sf til 1987.