Distriktsprogram - Sogn og Fjordane

Riktig god måndagsmorgon! Varmt og mildt i fylket vårt i dag, og sol i vente fleire stader. Det vitnar om ein god måndag vêrmessig. Vi var med då Askeladden slepte den nye singelen sin, på ei øy i ein låve med 40 publikummarar i helga. Om det vart ein suksess fortel vi kvart på sju i sendinga. Og vi skal høyre at Kristian Vie og fleire andre elevar går og ventar på lærlingeplass. Det vert rett og slett utdanna for mange elevar i ulike fag på Vestlandet, spesielt i dei maritime faga. Dermed er det ikkje nok bedrifter som har lærlingeplassar. Kva skjer då spør vi. Men det er ikkje berre elevar som er noko uroa i fylket. Bøndene fortel i dag om at dei fryktar for mjølka si, og at storbønder på austlandet og på Jæren skal ta over mjølkekvoten deira. Dette og mykje meir i dei tre timane vi held det gåande i morgonsendinga i dag.