Distriktsprogram - Sogn og Fjordane

Du høyrer God morgon Sogn og Fjordane med programleiarane Solveig Svarstad og Stian Sjursen Takle. Håvar merka at steminga på den vidaregåande skulen i Sogn og Fjordane var ekkel og prega av redsle. Då han varsla om fryktkultur vart det oppretta personalsak mot 45-åringen. I dag får du siste nytt frå eit oppvaskmøte som Høgre og Ap hadde i går kveld etter det politiske bråket i Kinn. Du får også høyre at yngre kvinner i Sogn og Fjordane er mellom dei dårlegaste i landet på å ta livmorhalsprøve. Det vil fleire legar i Sogn og Fjordane gjere noko med. No opnar dei opp legekontora på kveldstid. Det er ein stormfull morgon i dag. Korleis har det gått med dei som ville satse på stormturisme her i Sogn og Fjordane? Det skal vi høyre med Visit Fjordkysten om. Vil du sende ei vêrmelding eller fortelle noko om trafikken? Send meldinga di til 1987 med kodeord SF.