Distriktsprogram - Sogn og Fjordane

God morgon folkens! 14 av dei 39 fylkestingsrepresentantane har takka nei til attval. Det er klart etter at nominasjonsnemndene no har fått svar frå kandidatane. Ein av veteranane som gjev seg i politikken er Norvall Nøringset frå SV. Han har 16 år bak seg på fylkestinget og 20 år bak seg i Førde-politikken, men no får det vere nok, seier han. Et stort pressekorps skapte eit enormt medietrykk under storbrannen i Lærdal. Noko dei som bur i kommunen fekk kjenne på kroppen. I januar gjekk over 40 bygningar opp i røyk på Lærdalsøyri, og 70 personar mista heimane sine. Medieovervåkningselskapet Retriever har no gått igjennom alle artiklane etter brannen og har funne over 7000 artiklar, det største medietrykket av alle katastrofane i år. Den tidlegare Stryn og Sogndal-spelaren Per Egil Flo debuterte nyleg på A-landslaget og håper å få spele den viktige EM-kvalifiseringskampen mot Italia på Ullevaal i kveld. 25-åringen er dermed den fjerde i Flo-slekta på A-landslaget. Jostein, Håvard og Tore Andre har spelt der tidlegare. Per Egil kan ta både serie- og cupgull for Molde i år, men håper på proffliv i utlandet. Kvart år vert mange barn skada i bil heilt unødvendig. Dårleg tid og små feil kan få fatale konsekvensar. Kva kan vi bidra med for å unngå feilsikring? Vi skal prøve å finne svar i sendinga.