Distriktsprogram - Sogn og Fjordane

God måndagsmorgon! Det er litt regn og vind i vente i dag og då kan det jo passe bra å vere inne og høyre på radio;) Vi skal høyre meir om asylmottak i Høyanger. For fråflyttingskommunar der bustadane går for billegsal er blitt typisk for stadar der UDI opprettar asylmottak, det meiner frustrert ordførar i Høyanger Petter Sortland. I Høyanger har eigedomsoppkjøparar skaffa seg bustadar på billegsal, for deretter å inngå avtale med selskap som driv asylmottak. Ordførar Petter Sortland frå Ap seier kommunen har lite å stille opp med. Og eit nytt krav om at alle kyr skal på beite åtte veker i året, kan gjere at færre vil satse på mjølkekyr i framtida. Det meiner Anders Felde i Breim bondelag. I fjor kom en ny forskrift for storfebønder som set eit absolutt krav til at alle kyr skal på beite, om bonden byggjer nytt. I tillegg skal du få høyre om ei dame som i ein alder av 59 år fann ut av det var prest ho ville bli. Henny Koppen er gjest like over klokka åtte i dag.