Distriktsprogram - Sogn og Fjordane

God fredagsmorgon godt folk! I dag skal vi innom fordelinga av midlar til drifta av musea i fylket. For det er strid om korleis ein skal gjere det og korleis fordelinga mellom fylkeskommunen og kommunane skal vere. Fylkeskommunen vedtok i fjor at kommunane skulle auke tilskotet frå 10 til 15 prosent av drifta innan 2017, medan fylkeskommunen reduserte sine tilskot tilsvarande. Samararbeidskommunane i Sunnfjord - SIS - ville ikkje vere med på dette, seier Gaular-ordførar Mathias Råheim i dag. Vi skal tilbake til saka om vikarlegane som er under gransking av helsetilsynet. Det er det same danske vikarbyrået NordVik som rekrutterte alle dei tre legane til Nordfjord legevakt som er under gransking. Den eine legen er tiltalt for aktlaust bildrap i samband med at han køyrde i pillerus. Den andre legen var rusa på jobb, medan den siste er under gransking fordi han nekta å ta imot ein pasient som fall om med hjartestans. Fylkeslege Per Stensland er skeptisk til bruk av vikarbyrå. Fredagspanelet har fulgt godt med på vekas saker og er klare til å synse litt om stort og smått i den siste timen av sendinga. Espen Selvik og Henning Rivedal er panelet i dag.