Distriktsprogram - Sogn og Fjordane

God morgon! Den private fosterheims-formidlaren 2A-heimen i Sogndalsdalen utvidar aktiviteten med tilbod om bu- og arbeidstrening for unge i 16-17-årsalderen. Det nye tilbodet blir lagt til ein treningsgard i Hemsedal der ein kan ta imot tre ungdommar. - Målgruppa er unge som av ulike grunnar har droppa ut av den vidaregåande skulen, seier Tove Ølnes som er ein av dei som driv 2A-heimen i Sogndal. Ein kjem langt med indre guts og treningsiver, meiner trenarane i Stryn. Ti år etter at fire kompisar slo gjennom med idretten sin, har Tarjei Bø, Per Egil Flo, Mats Solheim og Ulrik Flo blitt toppidrettsutøvarar. Det gjer dei til ei sjeldan suksesshistorie. Årets gründer 2014 i Sogn og Fjordane skal kårast 31.oktober! Så om du har lyst på heder, ære og litt ekstra pengar så er tida inne for å melde seg på konkurransen. Men korleis gjekk det med fjorårets vinnar? Konkurranse, avisprat og skikkeleg god musikk er menyen i dag.