Distriktsprogram - Sogn og Fjordane

God morgon! Morgonsendinga denne onsdagen skal handle mykje om støylslivet. For kollega Gro Ravnestad tok turen til Gjengedalsstøylen i Hyen og møtte ein storfamilie som bur på støylen om sommaren. Der vart det gode måltid, artige historier og faktisk litt kjærleik. Kva som får ein familie til å flytte opp på støylen og korleis dei lever får du vite meir om i dag. Vi skal også ha ei dame på besøk som har svært mange roller, ho er mamma, varaordfører, politikar, dagleg leiar og kone. Korleis ho klarer å kombinere alt lurer vi på, Kristin Maurstad er vår sommargjest i dag. Konkurransen er klar til deg og andakta er på plass. Kombinert med god musikk ønskjer vi deg ein god start på dagen saman med oss frå NRK Sogn og Fjordane!