Distriktsprogram - Sogn og Fjordane

Vi har starta andre veka i juli, og ønskjer deg ein god sommarmorgon! Fjaler-ordføraren er litt vel aktiv og blandar korta på facebook, meiner forskar. Og dei som har prøvd, veit at Hornindal rundt er ei ganske tøff løype å gjennomføre. Arrangørane sjølve kallar turen for Noregs tøffaste fjelløp. 16-åringen Rasumus Haugen sette ny rekord i helga. Sogn og Fjordane brukar nesten dobbelt så mykje som resten av landet på administrasjon og styring. Det syner nyleg publiserte tal. Heimelaga sylte og saft, for ikkje å snakke om hermetiserte plomer og epler. Det er for mange barndomsminner på glas, og noko som ikkje alle styrer med i dag. Men ei som har teke vare på både mor og besta si oppskrift og som har gjort butikk ut av det er Veronica Hauge på Sandane. Stine Kyrkjebø Johansen, Eli Eikenæs Vengen og Eirik Hildal er oppe tidleg og håpar du slår følgje med oss dei komande tre timane.