Distriktsprogram - Sogn og Fjordane

Riktig god onsdagsmorgon til deg! Omfattande blokadar av matanlegg og ei storstilt protestmønstring i Oslo. Dette er noko av det bøndene planlegg dersom det blir brot i årets jorbruksforhandlingar. Bøndene kravde 1,5 milliardar ekstra frå staten, men blir tilbydd berre 150 millionar ekstra. Sauebonde Magnar Juklstad er fortvilt over tilbodet frå staten. Og ein av elevane ved Sogn jord og hagebruksskule, har fått merksemd langt utover Norges grenser etter at det vart kjend at ho er "holebuar". Nitten år gamle Ida Løken frå Førde bur nemleg i ei steinhole midt i ei ur ovanfor skulen. Vi skal ete frukost med ho i dag og du får vere med! Men sjølv om det er hyggeleg i hola, er det ikkje like triveleg for dei som arbeider på Sogn jord og hagebruksskule i Aurland. I går høyrde vi at skulen treng mange millionar før sommaren om den ikkje skal lagt ned. Og vi lurer litt på korleis det er å ha arbeidsstaden sin på ein skule som stadig er truga av nedlegging og kutt. I dag klokka ti opnar Førde kommune bocciabana på Festplassen saman med pensjonistane. Eli skal vere med og spele og finne ut av kvifor i all verda ein kommune satsar på bocciaspel. Velkommen til sending folkens!