Distriktsprogram - Sogn og Fjordane

Jammen er det ikkje fredag igjen og vi seier god morgon til nok ein vakker soldag! Det skal handle om reservasjonsrett for legar i denne sendinga. Ingen av kommunane i fylket som har diskutert saka støttar forslaget til regjeringa. Dei meiner det er stortinget som må avgjere saka. Fylkesdirektøren for Næring, Jan Heggheim, kjem med kompromissforslag i den betente vegstriden i Nordfjord. Han foreslår ein tunnel under Utvikfjellet og E39 i bru frå Anda til Lote og vidare i tunnel i ein heilt ny og ikkje utgreidd trasè vridd austover til Hornindalsvatnet. Det er venta at regjeringa om kort tid tek endeleg avgjerd. Og det er fredagspanel med Jan Olav Fretland og Eva Marie Halvorsen. Det blir tema som russ og bråk, grunnlova på nynorsk og den strålande skulesuksessen i fylket som ingen forstår noko av.