Buorre iđit, Sápmi

Dáiddár ja poehta Ros-Marie Huuva lea 14 jagi bargan dan ovdii ahte sáhttet hávdádit sámiid geat eai leat sáhttán vuoi??astit ráfis. Ain gávdno ollu bargu sámegielaid seailluheamis. Odne lea riikkaidgaskasaš gáktebeaivi ja lea gudat jahki go dat lágiduvvo ja eanet ja eanet sápmelaccat servet jagis jahkái dasa. Beassášlávvordaga lea sámi grand prixa, ja boahtte vahkku almmuha nrk sápmi neahttaášši dan birra, go lea veaháš erenomaš dán jagi grand prixa. Girona sámiteahter galledii ikte eahkedis Ohcejotnjálmmis bihtáin "Gutnagierdu". Álttá Sámiid Searvi lea bargagoahttán merket dan nu gohccoduvvon Nullacuoggá dahje Nullpunktet, Savvonis Álttás, gos Álttá-Guovdageainnu eanu dulvadeame vuosttálasttimat ledje. Odne lágiduvvo Karasprinten heargegilvu Kárášjogas.