Buorre iđit, Sápmi

Suoma sámediggelága ođasmahttin ii ovdánan velge riikabeivviide meannedeapmi. Váidalahtti dadjá sámedikki ságajođiheaddji. Suoma Sámi Nuorat -searvi lea ráhkkanaemen ordnet miellačájáhusa Suoma oaivegávpogis Helssegis dán vahku duorastaga. Suoma sámediggelága ođasmahttin dagaha olu ságastallama ráđđehusas ja soabatmeahttunvuođa. Dát nakkut váikkuhit sámealččaid bures veadjimii maiddái. Veahki lea oažžumis vaikko Sámi psykososiála doarjaga ovttadagas. Suoma ev.lut girku girkolaščaohkkin mearridiii mannan duorastaga álggahit girku ja sápmelaččaid gaskasaš duohtavuohta- ja soabadanproseassa. Dal leat fas hállagoahtán rahpat ruvkki Ruoŧas Rávrjohkii Deartna guvlui. Nuorat geat livččii galgan váldit sámi rihppaskuvlla ja konfirmerejuvvot boahtte jagi, besset oassálastit leirii man Ruoŧa girku fállá go eai doala sámi rihppadoaluid. Ja sámi báhpa mielas dat lea buorre. Diibmá ledje olu hásttalusat boazodoalus goavvejagi geažil. Galgágo dál jo ráhkkanišgoahtit jos de šaddá vuot goavvejahki, das gulat dán sáddagis.