Buorre iđit, Sápmi

Válgadirektoráhta moivii boares ja ođđa gielddaid dáfus sámegiggeválggaid oktavuođas. Danne Norgga Sámiid Riikkasearvvi válgaboađus čájehii, ahte bellodat livččii mannan maŋos čiežain prosenttain vaikko lei baicce ovdánan.- Dáloniid listtu ii beassan Sámediggái, maŋŋel go válgaboađus čielggai. - Máŋga unnit bellodaga masse sajis Sámediggái maŋŋá válggaid. Okta dain lea Árja. Servvodatdutkan instituhta dutki, Jo Saglie, dadjá son jáhkka dasa leat iešguđetge čilgehusat, daid iešguđetge bellodagaid hárrái. -Luonddugáhttenlihttu gáibida ahte ođđa rukses-ruoná ráđđehus gesset ruovttoluotta ruvkedoaibmalobi Fálesnuoris. Muhto jus Finnmárkku Bargiidbellodat oačču nu movt bellodat háliida, de sii eai doarjjo gal ruvkedoaimma bisseheami.