Buorre iđit, Sápmi

Logi Kárášjoga boazosápmelačča leat ožžon dieđu ahte stáhta gáibida siin máksit oasi stáhta goluin, maid boazolohkamat dagahedje dálvet 2022. Oktiibuot gáibiduvvo sis 6,9 miljovnna ruvnn. Kárášjohkalaš Mikkel Alexander Olli Eira (20), vuittii Norggameašttirgilvvu heargevuodjimis "Vielggut"-gilvvuin Romssas. Dát lea 20. geardi go Norggameašttirgilvvut sprint lágiduvvo gávpogis. Yles oidnogoahtá prográmmaráidu, mas guovddážis leat njeallje nuorra boazodoalli. Boazonuorat -prográmma sáhttá otná beaivve rájes geahččat Yle Areenas. Prográmmain hálida čájehit earáide mo davvin olbmot ellet.Sara Nutti mas lea artistanamma Dear Sara ii beassan njuolgá melodifestivála finálii, muhto beassá oktii viel gilvalit finálasaji badjel go beasai gilvvuhallama kvalai.Dát hal lea álo leamaš mu niehku ja dal mun čuoččun dás, dadjá Sara Nutti. Stáhta ja Norgga Boazosápmelaččaid Riikkasearvi leat dál soahpan ođđa Boazodoallošiehtadusa.Eanandoalloministtar Geir Pollestad dadjá ahte šiehtadallamiid rámma lea 225 miljovnna ruvnno. Ja ahte dát lea 12,5 proseantta lassáneapmi, mii addá boazodollui vejolašvuođa buori ovdáneapmái boahtte jagi.Boazodoallu šiehtadusas ii leat goasse leamaš ná alla supmi go dán jagi, ja dainna lea ge NBRa nubbijođiheaddji Leif Ánde Somby duđávaš. Dál leat eanan ja birasduopmostuolus Gironis gieđahallame ruvkefitnodaga Copparstone birasohčámuša go háliidit ođđasiid rahpat Viscariaruvkkii mii lea Girona olggobealde. Gábna čearru lea akta dáin gii váikkuhuvvo dáin ruvkeplánain Ođđasat ja dálkedieđáhus