Buorre Iđit Sápmi

Dál lea álgán Kárášjoga eatnamiid hálddašeamis ja oamasteamis álgán maŋimuš vahku Meahcceduopmostuolus. Buot oassebeliid advokáhtat leat muitalan iežaset ákkastallamiid ja dan rájes leat vihtaniid jearahallan. Riektediehtaga professor dadjá ahte lea álki dál jurddašit maid Finnmárkku opmodat livččii galgan bargat vai lei garvit diggoma iige dás leat dušše sáhka das maid FeFo lei galgat bargat. Ruošša beale sápmelaš muitalii diimmá cuoŋománus, ahte vuosttalda soađi mii lea Ukrainas. Dan maŋŋá sus ii leamšan nu buorre dilli Ruoššas. Dál son lea ovttas eamidiinnis ohcan dorvobáikki Norggas. Slupachik lea leamašan Sámiráđi lahtu. Sámiráđi váldočálli Áile Javo dadjá, ahte lea buorre gullat ahte son lea dorvvus dál.